УЕФА: „Филип Втори“ арената кандидат за ЕП 2020

Вкупно 32 земји се заинтересирани за организирање на Европското првенство 2020 година, што ќе се игра во 13 градови, а меѓу кандидатите официјално е и Македонија со „Филип втори“ арената во Скопје.

Извршниот комитет на УЕФА конечната одлука за домаќин ќе ја донесе на 25. септември 2014. година.

Се до полуфиналето ќе се играат натпревари во 12 различни земји, а завршницата е во еден град.

Кандидатите за организација на ЕП 2020: Ереван (Ерменија), Баку (Азербејџан), Минск (Белорусија), Брисел (Белгија), Софија (Бугарија), Скопје (Македонија), Загреб (Хрватска), Прага (Чешка), Копенхаген (Данска), Лондон (Англија), Хелсинки (Финска), Лион (Франција), Минхен (Германија), Атина (Грција), Будимпешта (Унгарија), Ерусалим (Израел), Рим и Милано (Италија), Астана (Казахстан), Амстердам (Холандија), Варшава и Хорзов (Полска), Лисабон и Порто (Португалија), Даблин (Р. Ирска), Букурешт (Романија), Санкт Петербург (Русија), Глазгов (Шкотска), Белград (Србија), Мадрид, Барселона, Билбао и Валенсија (Шпанија), Стокхолм (Шведска), Базел (Швајцарија), Истанбул (Турција), Киев и Донецк (Украина) и Кардиф (Велс).