Редици пред Apple за новите iPhone смартфони

Фановите на производите на компанијата Apple, кои сакаат да бидат меѓу првите кои што ќе ги поседуваат новите телефони iPhone 5S и iPhone 5C, утрово се построија во долги редици пред продавниците на компанијата насекаде во светот, а многумина и кампуваа од синоќа.

 

„Ова е вообичаено, така беше сите години при презентациите на новите производи на Apple. Патем, сите телефони со исклучок на црните од 16 гигабајти веќе завршија", изјавил вработен во продавницата во близина на славната Париска опера, во Париз, коментирајќи ја веригата луѓе на улицата.

Во некои продавници редиците почнаа уште пред две недели.

Некои од оние кои беа доволно среќни да стигнат до долгоочекуваниот телефон, одлучиле да профитираат на сметка на купувачите кои имаа помалку среќа, па така телефони во редицата може да се купат доста поскапо отколку што е регуларната цена во продавница.

 

Пред повеќето продавници, на почетокот на продажбата на новите модели смартфони, беше присутна и полицијата бидејќи масата луѓе како да не беше свесна дека се наоѓа на прометни улици и дека во нејзина близина минуваат многу автобуси и автомобили, пишуваат медиумите.


Апаратите почнаа да се продаваат во девет земји од „првиот бран" во САД (вклучувајќи го и Порторико ), Австралија, Канада, Кина (вклучувајќи го и Хонгконг), Франција, Германија, Јапонија, Сингапур и Велика Британија. Продажбата во продавниците на Apple Store и во салоните на овластените трговци на мало, започна во 8 часот утрово по локално време.

 

 

Компанијата Apple на 10-ти септември ги претстави своите нови смартфони, престижниот iPhone 5S, опремени со сензор на допир Touch ID за земање отпечатоци од палците на сопственикот, како и iPhone 5C со пет мултиколорни пластични маски. Потенцијалните купувачи можеа да резервираат iPhone 5C на веб-страницата на Apple од минатиот петок, додека купување на iPhone 5S е можно само од денеска.

Новиот смартфон, покрај во традиционалните темно сива и бела боја, ќе биде достапен во „златна" боја. Иако Apple не го примаше пред-нарачки за уредот, некои од медиумите шпекулираа дека примероците од „златниот" iPhone може да недостигаат првите денови по почетокот на продажбата.