Литванија е првиот финалист !

Хрватската репрезентација не успеа да направи сензација и да се пласира во големото финале. На патот на Коцкестите застана искусната репрезентација на Литванија...
Литванците доминираа во денешното прво полуфинале на Евробаскетот во Словенија и по седми пат во исто толку натпревари помеѓу двете репрезентации славеа кошаркарите од Балтичката земја.

Сепак Коцкестите не се предадоа така лесно, барем не до крајот на првото полувреме. Во првото полувреме се играше горе-долу израмнет натпревар, а на полувремето Литванците заминаа со предност од само три поени. Сепак како пресудна се покажа третата четвртина во која Литванците влегоа фуриозно и додека го полнеа кошот на Хрватите, Коцкестите постигнаа само 8 поени за 10 минути. Третиот период заврши со висока предност на Литванците од 21-8.

Кај Литванците најефикасен на теренот беше Мачиулис со 23 поени, а Клеиза постигна 22 поени, од кои 17 во првото полувреме. Кај поразените најефикасен беше Богдановиќ со 15 поени. 

Литванија во големото финале кое е закажано за во недела ќе ги одмери силите против подобриот од вечерашното второ полуфинале помеѓу финалистите од претходното Европско првенство, репрезентациите на Шпанија и Франција.

ТОП10 ОК ?

1 2 3 4 5 6 7 8 9 20ОТ О