Никој не може да ги надмине: Картерови се најбогатиот пар на светот!

И двајцата се исклучително успешни во светот на музиката, а огромни приходи добиваат и од големиот број на договори склучени со светските компании, па затоа не е ни чудно што сопружниците Картерови повторно се убедливо на тронот, на листата на најбогати селебрити парови во светот на шоу-бизнисот.

Имено, Бијонсе Ноулс (32) и Џеј Зи (43) повторно се најдоа на првото место на листата на најбогати парови во светот, која секоја година ја издава Форбс.
Со своето богатство од 95 милиони долари, зад себе, на второто место на листата ги оставија Жизел Бундшен (33) и Том Брејди (36), кои што можат да се пофалат со својата минатогодишна заработка од 80 милиони долари.

На третото место на листата се славните Бранџелина, односно Анџелина Џоли (38) и Бред Пит (49), со вкупно богатство од 50 милиони долари, а четврти се Ештон Качер и Мила Кунис, со заработка од 35 милион долари. 


Најновите родители во светот на шоу-бизнисот, планетарно познатите Кение Вест и Ким Кардашијан годинава успеаја да влезат во големата "петка", со вкупната заработка од 30 милион долари.