Лицата кои протестираат ја каменуваа полицијата што го обезбедува Основниот суд, а специјалци се распоредени и кај Универзитетската бибилиотека и трговскиот центар „Мавровка“.
Приведени се неколку лица, а припадниците на безбедносните сили со водени топови се обидуваат да ја растераат насобраната толпа која протестира поради пресудата за случајот „Монструм“. Полицијата засега ја држи ситуацијата под контрола.
Од Кривичен суд велат дека фасадата е комплетно уништена, искршени се надворешните стакла, судниците и канцелариите се оштетени, а повредени се шест полицајци, како и двајца од вработените во Судот. Полицијата со шок бомби во моментот ја растерува толпата кон Бит Пазар, велат од Судот.
Протестот првенствено беше најавен како мирен, беше организиран преку „Фејсбук“ и не беше пријавен во МВР.
ФОТО: Република
