Михаел Реш, кој престојувал во Горловки како член на организацијата "Лекари без граници", навел дека болниците во тој град се соочени со голем број на луѓе повредени во гранатирање.
Во болницата во која работи, од безбедносни причини, има само една операциона сала во употреба, а дневно доаѓаат од 5 до 20 жртви на гранати.
Според неговите зборови, во болницата недостасуваат лекови, а три дена имало прекин на снабдувањето со вода, поради што се оперираат најитни случаи, а останатите се откажуваат, пренесува B92.
"Без вода не може ништо да се стерилизира", објаснил Реш.
""MSF" е единствена меѓународна организација која е активна во овој град", подвлекол Реш.