По рецептот на баба: Печен компир кој ќе ве воодушеви

Немате идеја како да го подготвите компирот? Тогаш искористете го овој рецепт од нашите баби, кој со сигурност нема да ве остави рамнодушни.

Печениот компир е далеку поздрав од пржениот, затоа овој сладок компир кој се топи во устата ќе ви стане новиот омилен рецепт:

Потребни состојки:

1kg компир (најдобро би било доколку е млад)
1 супена лажица сол
2l вода
50ml масло

Начин на подготовка:

1. Излупете ги компирите, а потоа измијте ги и исечкајте ги на четвртини и ставете ги во тенџерче со 2l ладна вода да зовријат, па додајте ја солта.

2. Вклучете ја рерната на 160 степени и во неа ставете ја тавата со масло да се загрее. Целата тајна се состои во загревањето на тавата со масло, а потоа почекајте додека да зоврие водата во тенџерчето со компирите. Откако ќе се појави бела пена во тенџерчето, исцедете ги компирите и ставете ги во тавата. Со помош на лажица за готвење добро измешајте го компирот за од сите страни да биде обложен со масло.

3. Компирот вратете го рерна и печете на 160 степени додека да зарумени, а повремено мешајте го.

4. Послужете со салата по желба и уживајте во новиот вкус.