Сепак, ако ги прашате астролозите, тие имаат прилично јасна слика за секој знак.
Дознајте дали ќе имате возбудливо љубовно лето:
Овен
На прв поглед ве очекува комплицирано љубовно лето, но ќе успеете цврсто да се задржите на земја. Ќе ги преиспитувате емотивните и животни вредности. Ќе ви биде многу полесно да изградите нов дом, отколку постојано да го поправате стариот. Ако имате конфликти со партнерот, не мора да го менувате, променете го пристапот кон проблемите. Ќе барате поголем простор и разбирање. Ако ова лето го поминете со постојан партнер, ништо понатаму нема да ве раздвои. На слободните Овни им е препорачлив поотворен и понежен пристап ако сакаат да искусат љубов. Кон крајот на летото ќе бидете пријатно изненадени со примамлива понуда.
Бик
И ова лето ќе бидете верни и упорни партнери. Никогаш нема да ги избегнувате љубовнит проблеми затоа што знаете дека љубовта не паѓа од небо. Сепак, во срцето ќе ја оставите отворена вратата на судбината и ве интересира каде ќе ве однесе. На моменти нема да важат правилата кои сте си ги одредиле, затоа што ќе сакате да го истражувате непознатото. ако имате партнер со изразено его, ќе му биде тешко да ја разбере секоја ваша желба за промена. Често ќе ја докажувате својата самостојност, емоционално и финансиски. Слободните Бикови се многу блиску до својата сродна душа, затоа треба почесто да излегуваат. Во пресудните моменти не ги кријте емоциите затоа што ова лето ќе имате безброј прилики за нов почеток.
Близнаци
Ова лето ќе имате причина за радување. Ве очекува исполнето лето со излегувања и забави до рано наутро. Ќе има изобилие од флерт и љубов, само малку поинаква од онаа на која сте навикнати. Во необичното опкружување ќе запознаете и една посебна личност. После тоа ве очекува романтичен период во кој повремено ќе мора да прогледате низ прсти заради карактерот и однесувањето на партнерот. Близнаците кои се во врска мора да бидат поодговорни за своите постапки. Кратките периоди на досада искористете ги за да се потсетите на она што вреди. Секој ризик може да ве доведе до крај на врската.
Рак
Како и цела година, ве очекува важно љубовно лето. На почетокот надевајте се на значајни промени и одлуки како венчавка, бременост или едноставно почеток на нови и возбудливи врски. Животот е составен од мали и големи работи, затоа ќе мора да одржите поголема рамнотежа и да не бидете толку нетрпеливи. Слободните Ракови се полни со потенцијал. Сепак, во моменти на слабост може да влезат во врска со личност која не е за нив. Внимателно оценувајте ги новите „кандидати“ и не ги спуштајте критериумите затоа што сте осамени. Ќе бидете доволно шармантни за да можете да бирате.
Лав
Ова лето ќе бидете склони кон љубов со странци, па со избраникот може да бидете раздвоени заради далечината. Вашата љубов ќе може да ја преживее оддалеченоста само ако верувате во емоциите. Некои Лавови ќе бидат заљубени до уши преку комуникација на социјалните мрежи. Се додека цврсто стоите на земја и поставите граници, виртуелната љубов е дозволена. Ќе бидете природно заводливи и лесно ќе привлекувате внимание. Можни се кратки и страсни врски кои за жал брзо ќе се оладат. Не бидете подли, заминете со стил.
Девица
Тешко ќе излегувате од удобната зона, но кога еднаш ќе помирисате авантура, подготвени сте за експерименти. Новиот спорт, рекреацијата или патувањето ќе ве поврзат со различни и интересни лица. Ова лето ќе бидете тешки за шармирање затоа што ќе ве привлекува интелигенцијата кај луѓето, а не физичкиот изглед. Ќе имате активен социјален живот, па понекогаш одвојте си момент за самотија. Девиците во врска ќе пружаат огромна поддршка и ќе ја одржат врската благодарение на разбирањето. Но, истото ќе го бараат и за возврат. Ако планирате заедничко живеење, летото е идеален период.
Ова лето бидете поопуштени и нежни, тоа ќе биде вистински магнет за сите додворувачи. Мора да си поставите критериуми кои понуди ќе ги прифатите, а кои не. Ќе ви одговара толерантен партнер кој ќе ве опсипе со внимание. Ако ги отворите сите карти, можна е и посериозна врска. Клучот е во комуникацијата. Бидете страствени, но не и неверни. Склони сте кон импулсивни почетоци и краеви, па може да останете со човек во чии намери сте 100% сигурни. Ако сте доволно храбри да влезете во брачните води, ова лето е идеален период.
Скорпија
Ова лето ќе бидете полни со енергија, доминантни, но и ќе барате многу за возврат. За се ќе сакате да филозофирате и да бидете во право, што може да ги одбие потенцијалните партнери. Живејте ги овие неколку месеци под мотото „еднаш се живее“ и нема да зажалите. Слободните Скорпии ќе се впуштаат во авантури на секој чекор. Но, ако малку се спуштите на земја ќе запознаете личност која ќе ве заинтересира посериозни. Ве очекува возбудливо лето, дури и ако сте во долгогодишна врска.
Стрелец
Ќе имате моменти кога ќе посакате да избегате далеку од сите емотивни прашања. Стрелците кои ќе бидат оптоварени со работата ова лето може да пропуштат прекрасни љубовни шанси заради работата. Внимателно гледајте ги работите кои ви се пред нос. Проблемите со партнерот решавајте ги мирно и со компромиси. Не дозволувајте да се наталожат и да експлодираат. Слободните Стрелци ќе бидат по малку изморени и лути. Потрагата по сродна душа може да ги претвори во мрзоволни личности. Не бидете толку напнати, љубовната приказна сама ќе се испише. Ако веќе долго патите за некој кој не делува заинтересирано, пријатно ќе се изненадите.
Јарец
Вие сте неуморен борец за она во што верувате, но во последно време ја губите силата. Подготвени сте да се предадете, но истото ќе го барате за возврат. Партнерот веќе нема да може да ве купи со мало внимание. Вашето чувствително его ќе преовладува во топлите месеци. Многу стресни ситуации ќе ви ја тестираат врската, а тоа можете да го надминете само ако подеднакво вложувате во односот. Слободните Јарци ќе бидат натприродно провокативни, а поволните љубовни прилики ќе се појават сосема неочекувано. Ве очекува возбудливо лето во кое ќе се изненадите сами од себе и своите способности.
Водолија
За некој кој сака да гледа во иднина, прилично ќе бидете оптоварени со љубовното минато. Ви препорачуваме ова лето да не се навраќање на старите приказни затоа што ве очекуваат нови оваа сезона. Водолиите кои имаат среќна врска ќе смислуваат заеднички и креативни проекти за зближување. Комуникацијата ќе ви помогне квалитетно да ги решите сите недоразбирања во долгогодишните врски. Слободните Водолии ги чека холивудско сценарио. Како и во сите љубовни комедии, ќе живеете како што сакате и нема да го подарувате своето време на секој. Идеалниот партнер ќе се појави на почетокот на летото, но ќе мора да почекате подолго време за врската да се развие.
Риби
Ова лето Рибите ќе ги заведуваат сите околу себе. Никогаш не сте биле толку креативни, шармантни и духовити. Ќе го обожавате спојот на мистериозност и игри. Секако, никој нема да ви одолее, па затоа сами ќе мора да одлучите кој останува во игра, а кој отпаѓа. Ако имате постојан партнер, ќе мора добро да се потруди за да ги задоволи вашите желби, вклучувајќи ги и сексуалните. Оние кои нема да имаат волја да ве следат во авантурите, без размислување ќе ги оставите. Гласот на разумот нема да преовладува ова лето, па затоа почесто ќе треба да ги слушате љубовните совети од родителите и пријателите.
