Четворица загинати, меѓу кои и бебе во сообраќајка на патот Кичево-Скопје

Четири лица загинаа и двајца се тешко повредени во сообраќајната незгода што се случи вчера попладне на магистралниот пат Кичево - Скопје во близина на селото Колари. Меѓу загинатите има едно бебе и едно дете.

Двајца од повредените се префрлени во Ургентниот центар во Скопје, а еден во специјалната болница „Свети Еразмо“ во Охрид, кој на пат кон Ургентниот центар во Скопје им подлегнал на повредите.

Несреќата се случила во 18 часот и 20 минути при судир на две возила со струшки и кичевски регистарски ознаки.

На местото на настанот увид изврши Јавен обвинител, а истрагата треба да ги утврди причините за трагедијата. Охридската полиција најави подетални информации.