Власта прави Македонија да биде меѓу најмрзливите држави

Владата на Македонија ги манипулира бројките за невработеноста со цел вештачки да ја намали, но со тоа го намалува и нивото на работната сила и прави земјава да биде меѓу најмрзливите во светот.

Со серија манипулации и отежнување на условите, во Македонија станува сѐ потешко или сѐ побескорисно човек да се пријавува како невработен во Агенцијата за вработување на РМ. Па, така, од февруари 2011 година, кога бројката на пријавени невработени изнесуваше 323.947, таа денеска изнесува 223.739. Но, ни ова не е сѐ. Од оваа бројка, само 96.999 се бројат како лица кои активно бараат работа.