Швајцарецот Станислас Вавринка направи сензација во четврт-финалето од Ју-Ес Опен убедливо триумфирајќи против Енди Мареј. Десеттиот играч на светот триумфираше после два часа и 15 минути
со 6-4, 6-3 и 6-2 и прв пат во својата кариера се пласираше во
полуфинале на еден Грен Слем турнир. Вавринка синоќа го одигра мечот на
животот, а за тоа колку навистина беше доминантен говори и фактот дека
на третиот светски рекет не му дозволи ниту една прилика за брејк. Исто
така собра 45 ,,винери'' во споредба со 15-те на Мареј.
Вавринка секогаш бил незгоден противник за Мареј со оглед на фактот дека
на 14. меѓусебен дуел Швајцарецот оствари шестта победа, а оваа година
Вавринка беше подобар во Монте Карло, а пред три години исто така на
Ју-Ес Опен.