Перо Антиќ е цел на известувачите од тренинг-кампот на Атланта Хоукс
не само поради своите вештини демонстрирани на паркетот, туку и со
своите размислувања за играњето во најсилната кошаркарска лига во
светот.
- Европската кошарка доведе доста НБА-играчи. Знам дека тие играат
физички и брзо, со многу трчање. Јас сум се уште во добра форма. Сите
можат да мислат дека сум престар за НБА, но, едноставно, ми беше
потребен друг предизвик за да дојдам тука и да се испробам себеси. Од
тоа што го гледам на тренинзите, можам да бидам О.К. во оваа игра со
доста трчање, во нападот и во одбраната. Треба да напредувам, - изјави
31-годишниот досегашен репрезентативец на Македонија и капитен на
националниот тим за „Атланта џурнал конститјушн“.
Првиот Македонец во
НБА своето деби во дресот на „јастребите“ треба да го има на 7 октомври
на егзибицискиот натпревар со шампионот Мајами на Флорида.
