СЕГА: ФОТО: Бијонсе, Џеј Ло, Мајли Сајрус... ѕвездите на ревијата на Том Форд

Том Форд стратешки ја закажа својата ревија само два дена пред доделувањето на престижните награди Оскар и тоа во Лос Анџелес. Така, најжешката забава во текот на оскаровскиот викенд беше всушност модно шоу.

Додека модниот свет останува фокусиран на модната недела во Лондон, Том Форд го освојува вниманието на ѕвездите од шоу-бизнисот.

Џенифер Лопез, Наоми Кембел, Бијонсе, Рис Витерспун, Скарлет Јохансон, Ејми Адамс, Рита Ора, Роузи Хантингтон-Вајтли, Софија Вергара и Џулиен Мур беа само дел од славните гости на американскиот дизајнер.

„Ова е неверојатно. Навистина покажува колку многу луѓе го сакаат Том“ – рекла Мур.

„Возбудена сум што не морам да летам со авион некаде за да го следам моето омилено модно шоу“ – коментирала Ханингтон-Вајтли.

Очекувано, повеќето од гостите за свечениот настан избраа креација од ателјето на Форд.