Кајма на матурата се појавила во преубав фустан кој самата го дизајнирала. Инспирација за овој дизајн пронашла во своите африкански корени, а од идејата до изработката на фустанот, се` направила сама. Нејзиниот труд не останал незабележан.
Оваа креација воодушеви многумина на интернет, па пред титулата за кралица на матурата освоила и титула за најубав матурски фустан. Во меѓувреме, Кајма направила еден чекор понатаму. Дизајнирата тоалета за црвениот тепих и тоа ни помалку ни повеќе, туку за црвениот тепих на BET наградите.
Пејачката Натури Ногтон ја видела на интернет креацијата на младата Кајма и толку ѝ се допаднала, што посакала да носи токму нејзин дизајн на црвениот тепих. Натури ја контактирала Кајма преку мејл и многу брзо договориле соработка.
Пејачката, исто како Кајма сакала тоалета инспирирана од нејзините африкански корени. Иако тоа е само вториот фустан кој го направила, Кајма го прифатила предизвикот. Резултатот е - една од најзабележаните фустани на BET наградите.
Кајма сака да се занимава со дизајн и моментално се подготвува за студиите по дизајн, а очигледно добро започнала со таа работа.
„Јас сум уметник кој многу го интересира врската измеѓу уметноста и светот. Запознав многу култури и многу луѓе и сето тоа ме инспирира. Не дозволувајте другите да ве одредуваат. Прекрасни работи се случуваат кога верувате во себе“, порачува оваа млада девојка.
