Уникатно Bugatti и уникатно лошо враќање во рикверц

Пред луксузниот хотел Four Seasons Hotel George V во Париз вообичаено се паркираат скапи автомобили. Овој пат едно уникатно Bugatti Veyron L'Or Blanc од 2,5 милиони долари доживеа несреќа обидувајќи се да излезе од паркингот.

Возачот на скапиот спортски автомобил сака да се врати во рикверц за полесно да излезе од паркингот, но лошата координација меѓу него и возачот на хиперавтомобилот LaFerrari вреден 1,4 милиони долари резултираше со звук вреден неколку илјадници долари.

На крајот возачот на Bugatti автомобилот продолжи без да излезе од автомобилот и да види дали има некаква штета.