Она што треба да го направите е да го отворите Chrome прелистувачот и во делот за пребарување, односно во "search bar" делот да впишете "find my phone".
Ако вашиот Android оперативен систем на телефонот ви е поврзан со вашиот Gmail профил, ќе ви се појави мапа на која ќе може да ја видите и локацијата на вашиот уред.
Ако не успеете така, тогаш ќе треба да напишете www.google.com/android/ devicemanager како би добиле пристап до истото мени.
Исто така, може да активирате и ѕвонче кое ќе биде активирано до максимум 5 минути со цел полесно да го пронајдете телефонот во случај некаде да сте го изгубиле или пак ако некој го украл. Имате дури и можност да го заклучите телефонот и да ги избришете сите податоци од него.
Со цел вашиот телефон да биде точно лоциран мора во опциите (settings-more-location services) да ја активирате опцијата "access to my location", што значи дека Google во секој момент ќе ја знае вашата точна локација. Корисниците на Apple веќе извесно време можат да ја користат оваа опција, а сега и Google реши да им помогне и на своите Android корисници.
