Во хотелскиот комплекс "San Alfonso del Mar" во Чиле, се наоѓа најголемиот базен во светот. Во него разладувањето се претвора во вистински маратон.
Ова непрегледно синило е долго 1.013 метри, се простира на површина од осум хектари, а во него се наоѓаат неверојатни 66 милиони галони вода, што е околу 250.000 метри кубни. Да бидеме попрецизни, тоа е површината која одговара на големината на 6.000 обични базени.
Оваа вештачка лагуна содржи кристално чиста сина вода, која достигнува длабочина од дури 35 метри. Во лето температурата достигнува 26 степени Целзиусови, што е за девет степени потопло отколку во морето.
За да се пополни овој базен целосно, неговите проектанти развиле иновативна технологија, односно филтер кој константно ја прочистува морската вода. Овој рај бил граден пет години, а за неговата изградба биле потрошени 2,5 милиони евра.
