Од земјите во регионот, Македонија е на дното. Пред неа се Косово, Босна и Херцеговина и Албанија. Косово е на 69 место, Албанија, на 52 место, Босна и Херцеговина на 53 место, Србија е на 46 место, Хрватска на 27, Бугарија на 32 место, Грција е на 61 место, Црна Гора на 57 место, а Словенија на 15 место.
Мирот се оценува во 162 земји во светот врз основа на 23 индикатори меѓу кои, граѓански немири, криминал и воени трошоци, до вмешаност во воени судири и односите со соседите.
Европа го задржа приматот на најмирен регион, 15 од 20 водечки земји според индексот на мир се од овој континент.
Трите најмирни земји во светот се Исланд, Данска и Австралија. Потоа следуваат Нов Зеланд, Швајцарија, Финска, Канада, Јапонија, а на десетто место е Чешка.
Сирија е сè уште на дното на листата, а пред неа се Ирак и Авганистан. САД се на 94-то место, Кина на 124, а Русија на 152 место.
Во анализата се наведува дека постојат сè поголеми разлики во индексот на мир меѓу богатите европски земји и сиромашните земји во Африка и на Блискиот Исток, во коишто има граѓански војни и постојана бегалска криза, што доведува се поголеми поделби во светот по тој критериум.
„Интензитетот на вооружени судири драматично е зголемен. Бројот на убиени во судирите на глобално ниво порасна за 3,5 пати, од 49 илјади во 2010 на 180 илјади минатата година“, се наведува во извештајот и се додава дека судирите изнесуваат 13 отсто од глобалниот БДП.
„Минатата година ја обележаа два спротивни тренда, од една страна многу земји од Организацијата за економска соработка и развој оствариле историско ниво на мирот, додека други земји, посебно на Блискиот Исток, станаа многу насилни“, се вели во извештајот.
Џихадизмот е главна причина за големиот пораст на бројот на убиени во вооружените судири минатата година, само во Сирија убиени се 70 илјади луѓе.
