Дале отказ, продале сè што имаат и купиле едрилица со која веќе со години пловат низ светот

Заробени во живот исполнет со монотонија и копнеж за пауза од константното "трчање", Џесика и Мет решиле да напуштат сè и да се преселат на едрилица на пат околу светот.

Пред да одлучат да тргнат на пат околу светот. Двајцата имале успешни кариери. Мет работел како менаџер во еден салон за автомобили, додека Џесика работела во компанија за осигурување на автомобили. Звучи неверојатно, но овој пар навистина ја продал куќата, два автомобили и повеќето од техниката, за да можат да заштедат пари за пат околу светот. И да, купиле и едрилица.

Поради тоа што се многу штедливи, тие денес живеат од таа заштеда. За живот, за двајцата, потребни им се околу 1422 долари месечно, а тоа ги вклучува и трошоците за едрилицата, храна и забава.

Мет и Џесика тврдат дека, по 10 години врска, ваквиот начин на живот повеќе ги зближил и ги направил посреќни од било кога.

Bahamas baby!!
Posted by MJ Sailing on Thursday, April 9, 2015

"Правевме сè како што се очекуваше од нас за да го живееме типичниот американски сон. Предолго ги минувавме викендите пред телевизор, на работејќи ништо продуктивно, ниту работи кои би не исполнувале. Сфативме дека очајно ни е потребна промена. Никогаш не сакавме да бидеме оние луѓе кои ги одложуваат своите соништа за по пензијата".