Најмалку 18 лица загинаа во необичен бран напади на стршени во централниот дел на Кина.
Здравствените власти во градот Ангканг, во провинцијата Шанкси, денеска соопштија дека во изминатиов период на подрачјето на градот над 100 лица биле примени на лекување по убод на стршен, од кои 18 починале.
Локалниот државен весник „Хуасхангбао“ објави дека 21 лице починале во болница по убид на стршен.
Според здравствените власти, секоја година во областа умираат по неколку лица по убод на стршен, особено во шумските предели, како и дека годинава е исклучително тешка поради временските промени.
