Ајкули искасапиле мртов кит, туристите шокирани од глетката

Најмалку три големи бели ајкули и неколку помали кружеле околу мртвиот цицач и се хранеле од него.

Група туристи во Калифорнија останале шокирани кога возејќи се на туристички борд низ каналот Санта Барбара здогледале страшна глетка - ајкули касапеле тело од мртов кит.

Видеото на туристичката агенција "Island Packers" го прикажува 9 метри долгиот кит тежок четири или пет тони, како плови на површината, а најмалку три големи ајкули и неколку мали кружеле околу неговото мртво тело и се хранеле од него.

Не е познато од што загинал китот, но претходниот ден бил здогледан како плива помеѓу бреговите на градот Вентура и националниот пар "Channel Islands".