Владимир Поп Христов, братот на актерот Кирил Поп Христов - Кили, кој утринава
беше уапсен
поради производство на марихуана, преку статус на Фејсбук откри каде е.
Владимир, познат како Мио и пејачот на рок групата „Д.Н.О“, напиша на
Фејсбук дека е во Грција и дека се враќа за два дена.
- Го уапсиле Кили, а по мене се трага? Јас сум во Грција, па не
трагајте глупаци, јавете ми се и прашајте ме кај сум. Ќе си дојдам дома
за два дена. Госпоѓа Јанкуловска и ВМРО можат да се сопнат на многу мало
камче – порача, меѓу другото, Мио на својот профил на Фејсбук.
