Уредничката, џетсетерката Ивона го окупирала и амбасадорот Волерс

Неколку уредници од електронски и печатени медиуми во петокот биле на прием кај американскиот амбасадор Пол Волерс а целта била да ги запознае со новото лице кое ќе комуницира со медиумите во име на амбасадата.

На приемот, како што за Либертас тврдат присутни, речиси и не успеале да прозборат со амбасадорот оти тој се повлекол на страна со уредничката од Сител и Вечер, Ивона Талевска, и речиси цел час разговарале со тивок тон меѓу себе.
Повиканите уредници се почувствувале занемарени а некои од нив и лути што од Ивона не можат да разменат ни два збора со амбасадорот. Сепак, вината не е кај амбасадорот, туку едноставно џетсетерката успеала да го привлече вниманието на Волерс, најверојатно  со муабетот што имала да му го каже.