Геј градоначалник во Турција?

Еден хомосексуалец од Турција ќе биде кандидат на локалните избори, и ако тој победи, ќе биде првиот деклариран припадник на ЛГБТ заедницата вработен на државна функција во Турција.

Кан Чавусоглу е роден во Истанбул, студирал во САД а најавил дека ќе биде независен кандидат на изборите за градоначалник во градот Буланчак на крајбрежјето на Црно море.

Тој се надева дека ќе стане првиот градоначалник во Турција кој се декларира како хомосексуалец, објавува весникот Хуријет.

Кандидатот на престојните избори за себе вели дека е „геј активист, борец за женски права, мислител, сликар и писател“ и се надева дека доколку стане градоначалник, ќе привлече американски инвестиции.

Хомосексуалноста во Турција не е со закон забранета, но поголемиот број на жители во оваа земја со предрасуди ги гледаат припадниците на оваа заедница. Во последните десет години, во оваа земја се засилила борбата за правата на ЛГБТ заедницата.