Љубов на сцена: Пар кој го воодушеви и расплаче светот

На огромно задоволство на фановите во Америка и ширум светот, неодамна повторно започнаа аудициите за шоуто на таленти "X Factor", па иако тоа е на самиот почеток, светот веќе неколкупати се соочи со морниците предизвикани од настапите на неоткриените музички ѕвезди.

Така, откако синоќа се воодушевивме на настапот на малечката Рион Пејџ, светот сега повторно има причина за ежење и разнежување, а виновници за тоа се вљубените Алекс и Сиера.


Имено, овој вљубен пар, со својот настап на аудициите на шоуто "X Factor", го потсетиле светот колку е силна љубовта и колку истата може да биде поттик за нешто убаво, каква што била нивната изведба на песната "Toxic" од Бритни Спирс, а многумина веќе прокоментирале дека нивната верзија е многу подобра од оригиналната изведба на славната пејачка.

Во продолжение погледнете како сето тоа изгледало и звучело затоа што описот на истото со зборови е сосема излишно! Секоја чест за овие млади вљубени души!