Од 2 септември стартуваше забраната за продажба на мелено месо со
сомнителни состојки. Ако сакате да купите мелено месо ќе си одберете
парче и месарот е должен тоа да ви го сомеле. Ова е пропишано со
правилникот за квалитет на меленото месо. Многу често до сега со рефус
меленото месо купувачите добиваа и соја, масно ткиво, делови од кожа и
коски. Сега ќе може да се купува само чисто месо и по потреба да се
сомеле.
Во Агенцијата за храна велат дека можеби сега за нијанса ќе поскапи
месото, но ќе биде гарантиран квалитетот, а граѓаните точно ќе знаат
што има во месото што го купуваат.
