Microsoft: Даваме 200 долари за секој iPad!

Агресивната кампања на Microsoft против таблетот на Apple, iPad, продолжува со зголемена брзина. Овојпат, компанијата од Redmond им нуди на потрошувачите 200 долари доколку го заменат својот iPad за Surface таблет...

Доколку живеете во близина на Microsoft продавница (значи, не може во Македонија сеуште), можете да го замените вашиот iPad 2, 3 или 4 за попуст кон Surface таблет. Всушност, 200 долари е минимималната сума која ќе ја добиете. Microsoft работи со CExchange, кои ќе бидат одговорни за користените уреди, па вредноста на вашиот iPad може да биде поголема од 200 долари.

Секако, не можете да ги трошите овие пари било каде, туку ќе бидете обврзани да купите нешто од продавницата на Microsoft. Тоа значи дека можете да се одлучите на Surface Pro или Surface RT таблет, но бидејќи станува збор за кредит во продавницата, можете да купите било кој друг производ.
Оваа агресивна кампања на Microsoft ќе трае до 27-ми октомври...се прашуваме само што ќе се случи со сменетите iPad-и? :)