Според извештајот на пожарникарите кои излегле на местото на несреќата, на еден од пристапните патишта крај Сиетл, оган горел во пределот на моторот, а поливањето со вода само го влошило пожарот. Пожарот на крајот бил изгаснат со хемиски гасачи, но кога ја отвориле хаубата, сфатиле дека батериите се’ уште горат одвнатре. Морале да избушат дупки во батериите за да можат конечно да ги изгаснат. Телса С Роудстер ова лето беше прогласен за најсигурниот автомобил кој некогаш бил произведен, и добил НХТСА рејтинг од 5,4 ѕвездички од можни 5.
Оценката над максимумот истражувачите ја оправдале со фактот дека автомобилот е невозможно да се запали, бидејќи не е на мотор кој се напојува со внатрешно согорување.
Иако компанијата веднаш издала соопштение во кое истакнува дека батериите се запалиле како последица од ударот, а не спонтано, акциите на компанијата паднале за дури 6 посто во еден ден откако се проширила веста за пожарот.
