Како Џејмс Бонд вози Aston Martin, но што вози Даниел Крег во приватноста?

Британскиот актер Даниел Крег, во последните неколку филмови ја игра улогата на Џејмс Бонд, британскиот агент кој речиси редовно вози Aston Martin. Сепак во секојдневниот живот има поинакво возило - односно Lotus Evora 400.



Крег кој во моментот работи на новиот филм од серијалот за Бонд - Spectre, го искористи слободниот ден од снимањето за да го подигне новиот автомобил. Додека на сетот Крег вози специјална верзија Aston Martin DB10, во приватниот живот е посветен на друга традиционална британска марка - Lotus.



Evora 400 имаше светска премиера на автомобилскиот саем во Женева на почетокот на март. Автомобилот е опремен со 3,5 литарски V6 мотор кој произведува 405 коњски сили и максимален вртежен момент од 410 Nm. Тоа му овозможува забрзување од 0-100 километри на час за 4,2 секунди. Максималната брзина на автомобилот е 300 километри на час.