Кои серии ќе добијат нови сезони?

CW во јануари објави кои нејзини серии ќе добијат нови сезони, а со крајот на март, излезе уште една листа на серии кои од соодветните телевизии добија зелено светло за нови сезони.

Според она што го пренесува acshowbiz постојат неколку серии што ќе добијат нови сезони. Меѓу нив се наоѓа „The Americans“ што се емитува на FX, со тоа што четвртата сезона од оваа серија ќе има 13 епизоди. Нова, втора по ред, сезона ќе добие и „Bloodline“ (Netflix) што ќе започне да се емитува во 2016-та.

Помеѓу сериите со нови сезони се наоѓа и „New Girl“ во којa главна ѕвезда е Зои Дешанел. Оваа серија што се емитува на FOX ќе добие петта сезона што ќе се емитува во периодот 2015/2016. Со петтата сезона, серијата ќе стигне до импресивната бројка од 100 епизоди.

Серијата „House of Lies“ што се емитува на Showtime исто така ќе добие петта сезона што ќе се емитува во 2016-та година и ќе има 10 епизоди. Во оваа серија главните улоги ги толкуваат Дон Чидл и Кристен Бел.