"Во контекст на разговорите кои се во тек, премиерот Николан Груевски и лидерот на главната опозициска партија Зоран Заев, се сретнаа со Иво Вајгл, Евдард Кукан, Ричард Ховит и комесарот Јоханес Хан во Стразбург на 19-20 мај 2015 година.
Пратениците и комесарот Хан ги поздравуваат напорите на лидерите на партии да работат кон договор во интерес на сите граѓани на земјата и да се решат предизвиците кои произлегуваат од кризата во согласност со европските стандарди.
Партиите ја потврдија нивната определба за ЕУ интеграција и демократските принципи и се согласија дека на прво место мораат да ги стават интересите на земјата.
Пратениците и комесарот Хан ја поздравија искрената дискусија околу клучните теми на несогласувањата. Сите страни се согласија дека е важно да се имаат понатамошни состаноци", вели соопштението на тројцата пратеници.
Според изворите на НОВА на средбата во Стразбург присуствувале од ВМРО-ДПМНЕ Сашо Мијалков, Никола Тодоров, Мартин Протугер и Никола Попоски додека од страната на СДСМ лидерот го придружувала Рената Дескоска.
