Убавите очи се нејзиниот заштитен знак: Ова девојченце денес е водечка светска убавица

Новиот ангел на Victoria’s Secret и водечка манекенка на денешницата, Гиги Хадид, е име кое љубителите на модата и убавината добро го познаваат. Атрактивната блондинка на Instagram мрежата сподели фотографија на која ни покажа како изгледала во нејзиното детство.

Јелена Ноура Хадид, како што гласи нејзиното вистинско име, кон крајот на месец април го прослави својот 20-ти роденден. Таа има навистина малку години, но досега успеа да постигне навистина големи успеси, а помеѓу останатото, таа ги красеше страниците на "Sports Illustrated", "VMAN", "ELLE", "Grazia", "Cleo" и "Vogue".

Гиги Хадид е родена во Лос Анџелес, а после завршувањето на средното училиште се преселила во Њујорк каде ја започнала нејзината манекенска кариера.

Пред четири години таа стана членка на агенцијата IMG Models после што следеа кампањите за Tom Ford и поризрањето за календарот на Pirelli.

Гиги е ќерка на палестинскиот бизнисмен Мохамед Хадид и поранешната данска манекенка Јоландa Фостер. Веќе сега е и тоа како јасно дека таа е на добар пат да владее со светската мода и во годините кои се пред нас.