Хејди Монтаг
Поранешната ѕвезда на реалното шоу „The Hills” е рекордер на младите генерации кога станува збор за пластични операции. Хејди потрошила 250.000 долари на целосна преобразба, за која многумина велат дека не била потребна. Поранешната ријалити ѕвезда признала дека е зависна од пластични операции. Токму затоа сакала да го промени секој дел од своето тело, и тоа го направила. Хејди го оперирала носот, градите, го затегнала стомакот, ги зголемила усните, ставила ботокс и уште многу други работи. Хејди повеќе пати одела и на корекција на веќе направените операции.
Мараја Кери
Откако се појави на сцена, Мараја Кери се мачи со вишокот килограми. Пред да стане мајка, строгиот режим на исхрана и диетите и` помогнале да ја контролира својата тежина колку што е тоа можно. Сепак, и тогаш се зборуваше дека пејачката со моќен глас посетила хирург. Мараја никогаш не призна дека ги зголемила градите, но после раѓањето на близнаците, повторно се појавија гласини за зголемување на градите и липосукција. Фотографиите покажуваат дека е така, но пејачката молчи.
Коко
Сопругата на раперот Ice-T и позната старлета Коко со години тврди дека не го оперирала својот задник. Иако призна дека ги зголемувала градите, па дури и дека тоа го направила кај хирурзи кои немаат дозвола за работа, и понатаму тврди дека задникот кој го истакнува на секој чекор, е дело на природата.
Ники Минаж
Ники никогаш не криеше дека има импланти во задникот, но тоа не била единствената интервенција која ја направила. Ники има импланти во градите, навлаки на забите, а многумина тврдат дека го смалила и носот. Овие тврдења не се без основа, ако ги погледнете нејзините фотографии од младите денови кога уште била позната под своето вистинско име – Оника Мараж.
