Водата поевтине за 0,00000000000003%, се очекува големо славје на плоштадите

Фантастична, супер-радосна вест за граѓаните на Македонија! По феноменалното поевтинување на струјата за 0,3 отсто, спектакуларно поевтине и водата, за нецели 0,00000000000003 отсто. Сепак, за да не се одрази тоа на финансиската стабилност на Водовод и канализација АД, поевтинувањето ќе се одвива постепено, во неколку фази, почнувајќи од 2019 година и ќе трае до 2029 година.

ВЕСТА Е ИЗМИСЛЕНА од КозаНостра

– Имаме голема чест и задоволство да соопштиме дека направивме мал чекор назад за буџетот на Водовод, но голем чекор напред за стандардот на граѓаните на Македонија. Денеска имаме илјадници повици од задоволни граѓани на оваа земја, среќни што има некој да се грижи за нивната благосостојба – велат од Регулаторната комисија.

Владата на РМ апелира славјето на плоштадите во земјава по повод поевтинувањата да помине во мирна и достоинствена атмосфера, а поради штедење – на огномети да не се потврошат повеќе од 5 милиони евра.