Не можејќи да ги трпи тепањето и навредите од страна на нејзиниот сопруг четириесет годишниот Зоран Гојшина, четириесет и три годишната Мара Гојшина со кујнски нож му нанела смртоносни рани.
Откако пристигнале во семејната куќа за одмор, таа децата ги пратила на горниот кат, а тој почнал да ја навредува и со кујнскиот нож да и’ се заканува.
Во исказот пред судијата Гојшина соопштила дека постојано била матретирана принудувана на секс, пиела некои пијалоци кои и ги давал, а потоа се онесвестувала и следниот ден на ништо не се сеќавала. Само чувствувала болка во аналниот дел, како и дека крварела.
- Дојдовме со нашите деца во куќата во Горна Црвица во која немаше струја. Двајцата синови ги оставив во собата на катот, запалив свеќа и ги оставив да си играат. Побрзав да подготвам вечера и да пробам да ја уклучам струјата. Почнав да сечкам пиперка, додека Зоран се поздравуваше со децата оти планираше да се врати во Ужице. Тргнав да го прегрнам, но ме оттурна и ми рече дека ако дознае дека мојот прв сопруг дошол, дека двајцата ќе не убие – раскажала Мара Гојшина.
Наредната вечер со голем кујнски нож му ја одсекла главата, рацете и двете нозе и заедно со трупот ги замотала со најлон.
Следната ноќ искасапеното тело го ставила во багажникот од автомобилот, додека на задното седиште спиеле нивните деца. Таа по пат застанала, ги извадила деловите од телото и ги запалила.
Мара Гојшина е осудена на 15 години затвор, а ниту еднаш не се покајала за стореното.
