Овој трезор е направен да нè спаси од апокалипсата, а сега е оштетен!



Норвешките власти денес соопштија дека дополнително ќе ја заштитат “растителната арка на Ное”, односно светската резерва од растителни семиња на архипелагот Свалбард на Арктикот, откако неодамна била оштетена поради порастот на температурите.

Околу 50.000 нови примероци на растителни семиња од целиот свет се сочувани пред неколку месеци во најголемата банка на семиња на светот, којашто е отворена пред десетина години на арктичкиот архипелаг за “во случај на апокалипса”.

Најголемата банка од растителни гени на светот е отворена за во случај на војни или големи природни катастрофи да го спаси растителниот свет од целосно уништување, чувајќи примероци од семиња од најразлични збирки на посеви.

Банката со светски семиња се наоѓа на архипелагот Свалбард, помеѓу копнениот дел на Норвешка и Северниот пол и е осмислена како главна резерва за другите банки на семиња во светот.
Оптималната температура на чување на примероците е минус 18 степени Целзиусови, но изминатиот месец октомври бил изненадувачки многу топол поради што било забележано протекување на вода на самиот влез во објектот.



Норвешките власти навеле дека водата потоа замрзнала и дека била отстранета, но дека сепак некои примероци биле оштетени.

Фото бомба: Ако малку подобро ја погледнете оваа фотографија, ќе забележите еден многу познат политичар!



Матурантите од Ванкувер имале навистина интересна и непланирана средба со еден од моментално најпопуларните политичари на светот.

Невообичаената средба е забележана со фотоапарат, иако на прв поглед и не е воопшто очигледно за кого точно се работи.

Ако малку подобро погледнете, зад матурантите во црни костуми и девојките во гламурозни фустани трча еден човек. А тој човек не е ниту помалку, ниту повеќе, туку токму канадскиот премиер Џастин Трудо.



Додека се подготвувале да позираат за фотографија којашто ќе им остане како спомен до крајот на животот, Трудо случајно се појавил, а кога едниот од учениците го забележал, сите започнале да му мафтаат и да го повикуваат да дојде и да се фотографира со нив. Сосема очекувано, Трудо на кратко го прекинал својот тренинг и позирал со матурантите.

Инаку, познато е дека канадскиот премиер активно се занимава со спорт, па не е никаква реткост неговите сограѓани да го сретнуваат на џогирање или на јога во природа.

Во месец август 2016-та година, во текот на летувањето, тој е снимен на плажа во Британска Колумбија, како стои зад невеста којашто во тој момент се подготвувала за венчавка на плажа, а истиот тој месец едно канадско семејство наишло на него додека посетувале пештера во паркот во Квебек.

Клопчето се одмотува: Прв “паѓа” зетот на Трамп?

Сопругот на Иванка Трамп кој е и висок советник на претседателот на САД, Доналд Трамп, наводно, е на листата на лица кои се под истрага за врските со Русија.



Како што пренесуваат светските медиуми, Џерен Кушнер е „човек од голема доверба” и е ​​меѓу луѓето кои истражителите сакаат да го сослушаат.

Магазинот New Yourk наведува дека “лицето за кое постои интерес”, е 36-годишниот Кушнер, кој во моментов е со таткото на неговата сопруга во Саудиска Арабија, на првото патување на Трамп како претседател на САД.



Washington Post додава дека е под истрага лице кое е блиско со претседателот, но не го објавува идентитетот, иако на сите им е јасно дека такви луѓе околу Трамп има многу малку.

“Тоа е Џеред Кушнер. Имам потврда од четири извори. Не се шпекулира”, напиша соработникот на магазинот New Yourk Јашар Али.



Коментар од Белата куќа, но исто така и од страна на организацијата на Трамп, засега нема. Сепак, Вашингтон и претходно потврдуваше дека Кушнер бил во контакт со руските официјални лица, како и јавниот обвинител Џеф Сешанс и државниот секретар Рекс Тилерсон.

Истрагата за врските меѓу Москва и тимот на Трамп за време на кампањата за претседателските избори, по разрешувањето на директорот на ФБИ Џејмс Коми ја започна втората фаза. Сега на чело на тимот за истрага е поранешниот директор на ФБИ, Роберт Милер.

Овој трезор е направен да нè спаси од апокалипсата, а сега е оштетен!

Норвешките власти денес соопштија дека дополнително ќе ја заштитат “растителната арка на Ное”, односно светската резерва од растителни семињ...