Судот во Нотингем го прогласил 56-годишниот Мик Филипот за виновен за убиство, кој заедно со својата петта сопруга Мејрид и нивниот пријател Пол Мозли подметнале пожар во кој настрадале шест од вкупно седумнаесетте негови деца.
Мик, кој живеел со 70.000 евра социјални примања годишно, пожарот го подметнал со план да ја обвини неговата поранешна љубовница Лизи Вилис, а тој да стане херој
во јавноста со тоа што ќе ги спаси децата, и од градските власти ќе добие поголема куќа, која ја барал со години.Според британскиот таблоид "Daily Mail", Филипот низ “пцуење” ја дочекал пресудата во понеделникот, заканувајќи се дека се уште ништо не е готово. Овој невработен нарко зависник не покажал никакво каење за својот план, при кој во мај минатата година ги убил синовите Дувејн, Џон, Џек, Џеси и Џејден, како и својата ќерка Џејд.
