Мистериозна снимка од жена која во 1938. се движи по улица, носејќи, ни помалку, ни повеќе, мобилен телефон ја шокираше јавноста и веднаш создаде бројни теории на заговор.
Една од најинтересните е идејата дека жената патувала низ времето и случајно е снимена додека раговара со….. некој од иднината.
Иако не е појаснето како мобилниот оператор нуди услуги во паралелни светови, оваа снимка стана вистински хит!
Сепак, откако јавноста станала опседната со видеото, се јавил еден корисник кој тврди дека жената од видеото му е роднина, како и дека постои научно објаснување за необичната снимка.
Дамата која ја гледате е мојата прабаба Гертруда Џоунс. Таа работела во фабриката „Дупонт“, која ја развивала новата безжична технологија. Тогаш имала 17 години и на се се сеќава јасно. Вели дека тогаш експериментирале со безжичните телефони и дека пет примероци им биле дадени на неа и на колегите. Гертруда е снимена додека разговара со еден научник кој бил во близина.
Тврдењата на овој корисник не се потврдени, но зачудувачки е фактот дека мобилниот телефон, каков што го знаеме е пуштен во продажба дури неколку децении по ова видео.
