Како што знаеме сите, во животот не е се црно и бело, па и кога станува збор за губење на тежината, мора да се води грижа за останатите нијанси. Не е доволно само да го намалите внесувањето на храна - тоа понекогаш може да биде и контрапродуктивно.
Овие совети ги објавила Линда Мелон, специјалист за сила и кондиција на својата веб-страна.
Јадете повеќе од 1200 калории дневно
Строгата диета може да го забави губењето на килограмите. Колку и да ви звучи тоа контрадикторно, сепак,телото се префрлува на режим на преживување и ги зачувува мастите. Жените кои се високи 165 сантиметри, и кои се умерено активни, во просек треба да внесуваат од 1400 до 1700 калории дневно, кои секако треба да потекнуваат од интегрални житарки, овошје, зеленчук и здрави масти.
Вежбајте и движете се
Ако држите диета, без притоа да кревате тегови, околу 25 проценти од изгубената тежина ќе биде изгубено мускулно ткиво. Два до три пати неделно активирајте ги сите големи групи на мускули, вежбајќи со тегови. Исто така, обидувајте се цел ден да бидете во движење.
Избегнувајте го средниот ред од супермаркетот
Држете се подалеку од средината на супермаркетот. Овошјето, зеленчукот, месото и млечните производи се наоѓаат на страничните делови од маркетите, додека грицките, благото и конзервираната храна во средината.
Во тој дел од продавницата одете само доколку точно знаете што треба да купите, а на чипсовите немојте ни да им се доближите.
