СДУ ќе го поддржи кандидатот за градоначалник на општина Центар од владејачката коалиција „За подобра Македонија“, предводена од ВМРО-ДПМНЕ, Владимир Тодоровиќ.
За ова денеска на пресконференција информираше претседателот на СДУ, Чедо Николовски.
Николовски нагласи дека во разговорите со голем број на луѓе и стопанственици било истакнато дека Тодоровиќ е еден од најпрофесионалните градоначалници.
Тој ги повика граѓаните на општина Центар и членовите на СДУ на 7 април, во вториот круг од локалните избори, да му дадат, како што рече, заслужена поддршка на Тодоровиќ.
Владимир Тодоровиќ изрази благодарност за поддршката и рече дека доколку ги добие и овие избори и стане повторно градоначалник на општина Центар, ќе одговори на сите предизвици и ќе ги решава проблемите на сите граѓани.
