Уништени возила, згради кои се целосно срушени, очајни жители кои се евакуираат во соседниот град...Тоа се впечатоците од Вест, неколку часа по експлозијата во која загинале 15 лица, а неофицијално се зборува и за бројка од 70 жртви.
Експлозијата ги потресла куќите во радиус од 80 километри, а сведоците во описот на случката користеле изрази како "нуклеарна бомба", "војна", "Ирак", "катаклизма"...
Експлозијата лансирала огромен пламен во воздухот, кој можел да се забележи на 50 километри оддалеченост. Меѓу повредените е и локалниот шеф на штабот за вонредни ситуации, Џорџ Смит.
 "Прозорите околу мене срушија, кровот падна врз мене", изјавил Смит. Бред Смит живее на 80 километри оддалеченост, а ја почувствувал експлозијата во својата куќа. "Не знаевме што се случува. На временската прогноза најавуваа невреме, па јас и мојата сопруга се запрашавме дали подранило 6 часа", вели Бред Смит.  Неколку часа по експлозијата, во локалната болница почнале да пристигнуваат повредените, со полесни, но и потешки повреди. Оние кои останале без своите домови, морале да побараат сместување во соседниот град. Градот во моментов е пуст, бидејќи сите жители биле одведени на безбедно. Во Вест може да се видат само светла од амбулантни возила, пожарникари, полиција и војска.        |
