Западните сили ја информирале сириската опозиција дека би можел да биде извршен напад врз силите на Асад, јавува Ројтерс.
„Американската војска е целосно подготвена веднаш да нападне доколку претседателот Барак Обама нареди акција против Сирија“, изјавил министерот за одбрана Чак Хејгел за Би-би-си.
„Сѐ е подготвено да ја исполниме секоја наредба на претседателот“, изјавил Хејгел во Брунеи во рамки на турнејата во Југоисточна Азија.
Хејгел кажал и дека САД наскоро ќе изнесат докази дека Сирија извршила напад со хемиско оружје врз сопствениот народ.