Денеска започнаа да ги уништуваат паркинзите во Дебар Маало.
Секторот за сообраќај на МВР има испратено ургенции до инспекциските служби за сообраќај на град Скопје да се отстрани целата вертикална и хоризонтална сигнализација, бидејќи нема решение од град Скопје и согласност од МВР.
Но истите инспекциски служби не постапуваат на паркинзи каде градски паркинг стопанисува, како што е улицата Максим Горки, сите улици околу МТВ, улица Дебарца, тротоарите кај главната Пошта, дел од улицата Орце Николов и на многу други локации.
Сообраќаен инспектор од градот Скопје со вработени од ЈП Улици и патишта, почна да ги отстранување на вертикалната и хоризонтална сигнализација за паркирање.
Не сакаше да му објасни ништо ни на градоначалникот Андреј Жерновски, кој веднаш дојде на местото каде се отстрануваше демаркација.
„Два дена го барам градноачалникот на град Скопје, Коце Трајановски, но тој не се јавува. Ако вака постапувате, тогаш град Скопје треба да си плати се што не плаќал на општина Центар. Дури и во оваа држава мора да има ред и да се почитува законот“, рече Жерновски.
