Всушност, станува збор за еден од најбезбедните затвори во целата земја. Во него секој затвореник минува 23 часа во самица. Создаден е за затвореници кои не покажуваат грижа за човечкиот живот.
Во него има 422 затвореници кои никогаш нема да се сретнат меѓу себе, затоа што контактот меѓу луѓето е сведен на минимум. Во секоја ќелија има мало прозорче за светлина, тоалет, туш и мијалник. Во некои од нив има и телевизори со вградени радија. Затворениците имаат максимум 10 часа неделно за вежбање надвор од ќелиите, во посебна просторија.
Сите оброци се даваат преку отвор на вратата и нема комуникација со други луѓе. Според извештајот на Amnesty, минуваат и по неколку дена без да прозборат со некого.
„Ова место не е дизајнирано за човечност“, изјави Роберт Худ, шеф во затворот од 2002 до 2005 година, за Times.
Овој затвор најчесто е последно престојувалиште на терористите кои САД ги сметаат за најопасни, без разлика дали се од земјата или станува збор за странци.
