„Хјундаи“ ќе инвестира 400 милиони долари во Србија

Претставници на „Хјундаи“ најавија подготвеност за инвестирање околу 400 милиони долари во Србија за изградба на фабрики за преработка на комунални отпадоци, како и инвестирање во изградба на фабрика за производство на техника за преработка на отпадоци.

Според српската влада, претставници на „Хјундаи“ пројавиле интерес за соработка во областа на земјоделството, особено во производство на органска храна и преработка на зеленчук. Премиерот Ивица Дачиќ истакнал дека државата е отворена за странски инвестиции што помагаат за развој на економијата.
– Развојот на економијата и обезбедување вработување за млади луѓе е најважната задача на Владата на Србија – изјави Дачиќ по разговор со претставниците на „Хјундаи“.