Жителите на Центар бараат стопирање на лудилото со Скопје 2014

50- тина жители на општина Центар денеска на „Отворениот ден со граѓаните", кој се одржува по 5-ти пат, дојдоа пред градоначалникот Андреј Жерновски и службите во општината да ги кажат своите проблеми.

Најчести се урбанистичките, проблемот со невработеноста, легализацијата, узурпирањето на јавен простор.

Жителите на Центар апелираат до градоначалникот Жерновски, да го запре лудилото со „Скопје 2014". Особено беше потенциран проблемот со пренаменување на трговски во угостителски објекти и правење барокни фасади на улицата Никола Вапцаров, сквер кој стана пример за тоа како не се води грижа за жителите на околните згради од страна на бројните угостители.

„Соновата фасада ќе не оградат и ќе ни ја земат светлината", се пожали жителка на Центар.
Специфични се проблемите на луѓе кои во семејството имаат деца со инвалидитет.

Една мајка искажа голема благодарност до Жерновски, бидејќи за прв пат по 22 години е примена од градоначалник. Нејзиниот проблем под итно ќе биде решен.

По денешната средба со граѓаните кои пријавија неправилности при градење објекти, договорено е со службите уште утре да се изврши увид на лице место.