- Во новиот мандат ќе останеме доследни на транспарентното работење и неселективната и бескомпромисна борба против криминалот и корупцијата во институциите и во општеството, рече Фросина Ташевска – Ременски, потпретседател на СДСМ.
„Ќе го стeсниме просторот за злоупотреба на службената положба и овластувања преку јакнење на капацитетот на Секторот за внатрешна контрола и професионални стандарди во МВР и примена на нови алатки за рана детекција и санкционирање на сите злоупотреби.
- Секој вработен во МВР ќе дава отчет за имотната состојба. Вака ДПМНЕ пред повеќе од две години го најавија мандатот на Гордана Јанкуловска како министер за внатрешни работи.
- После седум години, Јанкуловска не само што ги заборави најавените приоритети, туку успеа да докажа дека секогаш кога нема одговор на клучните прашања за МВР , позицијата министер ја користи како медиум за политичка манипулација.
