Оли Петерик има две години и е постојано весел и насмеан, на неговото лице има вечна насмевка... Но тој страда од екстремно ретка болест...Неговата мајка Ени веднаш по раѓањето на Оли забележала дека нешто не е во ред со него. Таа почнала да истражува на интернет и наишла на дијагнозата Ангелманов синдром.
Иако се работи за тешко генетско нарушување, поради кое заболените имаат проблеми со учењето и психичкиот развој, оние кои страдаат од него се постојано и вечно насмеани.
Оваа болест погодува 1 од 20.000 лица ширум светот, а за него нема лек или каков било третман.
-Колку и да сум нервозна или депримирана, неговата насмевка секогаш ме расположува. Неговата насмевка и весел карактер ми даваат натчовечка сила за да се помирам со фактот дека тој има сериозна болест. Секој родител сака неговото дете да биде среќно, а јас знам дека Оли секогаш ќе биде среќен без разлика на се, вели Ени.
Таа вели дека учат да се справуваат со болеста на Оли, но дека се среќни оти како што велат тие, можело да биде и полошо.
