Босанците и Србите се испотепаа, но македонските и литванските фанови
покажаа дека може и да се ужива во заедничка навивачка атмосфера на
Евробаскет 2013 во Јесенице. На еден час пред натпреварот, во едно од
кафулињата блиску до арената „Подмежакла“, наизменично се пееја
македонски и литвански песни, секако, во придружба на неизбежното пиво,
за загревање пред мечот. Фантастично дружење кое покажува дека не мора
секогаш се да биде деструктивно на спортските натпреварувања.