Погледнете го новиот трејлер за комедијата „Ted 2“

Објавен е нов трејлер, наменет за повозрасна публика, за продолжението на комедијата „Ted“, на Сет Мекфарлејн. Како и што се очекува, во овој тип на трејлер подобро се доловува хуморот во филмот, исполнет со дрога, секс, вулгаризми и порно.

Дрското хуманоидно мече Тед, заедно со Марк Волберг се враќаат во долгоочекуваното продолжение на „Ted“, две години по првиот филм. Овојпат ќе се соочат со проблемите за репродукција на Тед, како и набавување на донатор на сперма за истите цели.

Главната женска улога во филмот ја глуми Аманда Сејнфилд, гласот на Тед е Сет Мекфарлејн, кој исто така го режираше и напиша филмот. Покрај низ, во филмот се појавуваат и Лијам Нисон и Морган Фримен.

Премиерата на „Ted 2“ ќе се случи на 26-ти јуни оваа година.

Погледнете го трејлерот: